Qəbələdə avtomobillər toqquşub, iki nəfər xəsarət alıb

Qəbələdə avtomobillər toqquşub, iki nəfər xəsarət alıb.

"Report"un Şimal-qərb bürosunun məlumatına görə, hadisə Qəbələ-Ağdaş avtomobil yolunun Qəbələ rayonu ərazisindən keçən hissəsində qeydə alınıb.

Belə ki, hərəkətdə olan "Mercedes" və "Opel" markalı avtomobillərin toqquşması nəticəsində "Opel"də olan iki nəfər, Göyçay rayon sakinləri Elşən Səmədov və Elgün Səmədov xəsarət alıblar. Yaralılar Qəbələ Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.