Qəbələdə ağır yol qəzasında xəsarət alan sürücü ölüb

Bu gün günorta saatlarında Qəbələ şəhərində Mənsur Məmmədovun idarə etdiyi "VAZ-2107", Rəhim Məmmədovun idarə etdiyi "VAZ-2106" və Ələsgər Mikayılovun sükanı arxasında olduğu "VAZ-2107" markalı avtomobillərin toqquşması nəticəsində ağır xəsarət alan R.Məmmədov aldığı ağır xəsarətlərdən Qəbələ Rayon Mərkəzi Xəstəxanasında dünyasını dəyişib.

"Report"un Şimal-qərb bürosunun məlumatına görə, hadisə nəticəsində sürücülərdən Mənsur Məmmədov da xəsarət alıb. Yaralı xəstəxanaya yerləşdirilib.

Məlumata görə, M.Məmmədov polis nəfəridir. Hadisə xidmətdən kənar vaxtı qeydə alınıb.

Fakt araşdırılır.