Qazax. 12 mart. REPORT.AZ/ Qazax rayonunda 55 yaşlı kişi ehtiyatsızlıqdan yıxılaraq ağır xəsarət alıb.
"Report"un Qərb bürosunun məlumatına görə, rayonun Kamuna kənd sakini, 1962-ci il təvəllüdlü, İsgəndərov Əlövsət Tofiq oğlu, yaşadığı evdə hündürlükdən yıxılaraq ağır xəsarət alıb.
Yaralı yaxınları tərəfindən Qazax rayonu Mualicəvi Diaqnostika Mərkəzinə aparılıb. Sol ayağına çapılmış-kəsilmiş diaqnozu qoyulan yaralı əməliyyat edilib. Vəziyyəti orta-ağırdır.
Faktla bağlı araşdırma aparılır.