Qazaxda iki maşın toqquşub, 3 nəfər yaralanıb - YENİLƏNİB

Qazax. 6 mart. REPORT.AZ/ Qazax rayonunda ağır yol-nəqliyyat hadisəsində xəsarət alan şəxslərin adı məlum olub.

"Report"un Qərb bürosunun məlumatına görə, hadisə nəticəsində hər iki avtomobilin sürücüsü - 1973-cü il təvəllüdlü Fikrət Hikmət oğlu Mahmudov və 1980-ci il təvəllüdlü Ceyhun Mikayıl oğlu Vəliyev və sərnişin Çingiz Əli oğlu Əhmədov müxtəlif dərəcəli bədən xəsarətləri alıblar. Yaralılar Qazax Rayon Mərkəzi Xəstəxanasına yerləşdirilib. Onlardan ikisinin vəziyyətinin ağır olduğu bildirilir. Yaralılardan Ç.Əhmədov ambulator müalicəyə göndərilib.

Faktla bağlı Baş Dövlət Yol Polisi İdarəsinin əməkdaşları tərəfindən araşdırma aparılır.

***14:45

Qazax. 6 mart. REPORT.AZ/ Bakı-Qazax-Gürcüstan yolunun Qazax rayonunun Daş Salahlı kəndi ərazisindən keçən hissəsində iki “Mercedes” maşını toqquşub.

“Report”un Qərb bürosunun məlumatına görə, hadisə nəticəsində 3 nəfər xəsarət alıb.

Hər 3 yaralı xəstəxanaya yerləşdirilib.