Qazaxda gənc oğlan zəhərlənib

Qazax. 1 mart. REPORT.AZ/ Qazax şəhərində zəhərlənmə hadisəsi baş verib.

"Report"un Qərb bürosunun məlumatına görə, 25 yaşlı yerli sakin Mustafayev Əmrullah Əsgər oğlu xəstəxanaya yerləşdirilib. Həkimlərin bildirdiyinə görə, o, spirtli içki qəbul etdikdən sonra özünü pis hiss edib və halı pisləşib.

Polisin məlumatına görə isə, Ə.Mustafayev çoxlu dərman qəbul etdiyi üçün zəhərlənib. Hazırda onun vəziyyəti orta-ağırdır.

Faktla bağlı araşdırma aparılır.