Yuxarı
    Bağlamaq

    Qaxda sel təhlükəsi olan çaylarda qabaqlayıcı tədbirlər görülür - FOTO

    2017-ci il üçün daha 900 metr bəndlərin tikintisi nəzərdə tutulub

    Qax. 7 noyabr. REPORT.AZ/ “Qax rayonundan keçən Kürmük çayında suyun artması nəticəsində yaranan sel təhlükəsinin qarşısı alınır”.

    “Report”un Şimal-qərb bürosu xəbər verir ki, suyun artdığı Kürmük çayında mühafizə tədbirləri görülür. Oktyabr ayında Böyük Qafqaz dağlarının zirvələrinə, o cümlədən yaşayış məntəqələrinə qarın və intensiv yağışların yağması dağ çaylarında sululuğu artırıb.

    Qax suvarma sistemləri idarəsinin baş mühəndisi Nəzir Mustafayev bildirib ki, çayın daşması və rayonun İbaxlı kəndinin sel sularına məruz qalması təhlükəsi yaranıb: “Ancaq bəndlər arasında olan həmin məsafələrə daş-beton bəndlər tökülür və heç bir narahatçılığa əsas yoxdur. Çünki, Kürmük çayının sahili boyu yaz və payız fəslinin əvvəllərində yüzlərlə metr mühafizə bəndləri tikilib və əsaslı təmir işləri aparılıb. Bundan başqa, bu ildə Ağçay, İlisu və Qax şəhərində Kürmük çayı sahillərində daş-beton və dəmir beton bəndlər qurulub. 2017-ci il üçün daha 900 metr bəndlərin tikintisi nəzərdə tutulub”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi