Qaxda çayın kənarında gizlədilən 110 ədəd pirotexniki vasitə aşkar olunaraq götürülüb

Bakı. 13 dekabr. REPORT.AZ/ Dövlət Sərhəd Xidmətinin (DSX) Sərhəd Qoşunlarının “Zaqatala” sərhəd dəstəsinin Qax rayonunun Lələli kəndi yaxınlığındakı sərhəd zastavasının xidməti ərazisində, Alazan çayının kənarında gizlədilən 2 ədəd bağlamada müxtəlif çeşidli 110 ədəd pirotexniki vasitə aşkar olunaraq götürülüb.

Bu barədə "Report"a DSX-nın Mətbuat mərkəzindən məlumat verilib. 

Faktla əlaqədar əməliyyat-istintaq tədbirləri həyata keçirilir.