Qaxda 68 yaşlı kişi at arabasından yıxılaraq ölüb

Qax rayonunda bədbəxt hadisə baş verib.

"Report"un Şimal-qərb bürosunun məlumatına görə, hadisə bu gün səhər saatlarında rayonun Əmbərçay kəndində qeydə alınıb.

Həmin kəndin sakini, 1954-cü il təvəllüdlü Neymət Əhmədov əkin sahəsindən kəndə qayıdan zaman ehtiyatsızlıqdan at arabasından yıxılıb.

Hadisə zamanı N.Əhmədov aldığı ağır bədən xəsarətlərindən hadisə yerində ölüb.

Faktla bağlı Qax Rayon Prokurorluğunda araşdırma aparılır.