Yuxarı

Qaxda 16 yaşlı yeniyetmə qarpızdan zəhərlənib

Rayonun Fısdıqlı kənd sakini, 1999-cu il təvəllüdlü Zöhrə Vaqif qızı Məmmədova zəhərlənmə əlamətləri ilə xəstəxanaya daxil olub

Bakı. 11 iyul. REPORT.AZ/ Qaxda 16 yaşlı yeniyetmə qarpızdan zəhərlənib.

"Report"un məlumatına görə, rayonun Fısdıqlı kənd sakini,1999-cu il təvəllüdlü Zöhrə Vaqif qızı Məmmədova zəhərlənmə əlamətləri ilə xəstəxanaya daxil olub. Həkim müayinəsindən sonra məlum olub ki,16 yaşlı Zöhrə Məmmədova qarpızdan zəhərlənib. 

O, yaşadığı evdə qarpız yedikdən sonra özünü pis hiss edib və zəhərlənmə əlamətləri özünü büruzə verib. Xəstəxananın yolxucu xəstəliklər şöbəsinə yerləşdirilən Z.Məmmədovaya lazımi tibbi yardım göstərildikdən sonra vəziyyəti stabilləşib, müalicəsi davam etdirilir.

Qeyd edək ki, bir neçə gün öncə qonşu Zaqatala rayonunda da bir ailənin 6 üzvü qarpızdan zəhərlənmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi