Qaxda bəy toyda iştirak edən qonağı bıçaqlayıb - YENİLƏNİB

Qax rayon sakini, 1998-ci il təvəllüdlü Yamən Şıxəmirli toy mərasimində bıçaqlanıb.

"Report"un Şimal-qərb bürosunun məlumatına görə, hadisəni törədən 2002-ci il təvəllüdlü Ariz Əhmədov bəy olub.

Qeyd edək ki, o, şübhəli şəxs qismində polis əməkdaşları tərəfindən saxlanılıb.

11:24

Qax rayon sakini, 1998-ci il təvəllüdlü Yamən Şıxəmirlinin kəsilmiş-deşilmiş xəsarətlərlə xəstəxanaya daxil olması barədə polisə məlumat daxil olub.

Daxili İşlər Nazirliyinin Mətbuat Xidmətinin Şəki regional qrupundan "Report"un Şimal-qərb bürosuna verilən məlumata görə, Y.Şıxəmirliyə kəsici alətlə xəsarət yetirməkdə şübhəli bilinən Gədəbəy rayon sakini, 2002-ci il təvəllüdlü Ariz Əhmədov polis əməkdaşları tərəfindən saxlanılıb.

Faktla bağlı araşdırma aparılır.