Komorun Sərhəd Xidməti 116 qanunsuz miqrantı daşıyan gəmini saxlayıb

Komorun Sərhəd Xidmətinin əməkdaşları 116 qanunsuz miqrantı daşıyan gəmini saxlayıblar.

"Report"un məlumatına görə, bu barədə "Habari za Comores" portalı xəbər verib.

Gəmi sahil mühafizəsinin iki gəmisinin müşayiəti ilə Moheli adasında lövbər salıb. Miqrantların gəmidən düşməsi və sonra öz ölkələrinə deportasiyasına icazə verilməsi barədə qərar qəbul edilib.

İlkin məlumatlara görə, miqrantlar arasında hamilə qadınlar və uşaqlar da daxil olmaqla, Konqo Demokratik Respublikası, Burundi və Tanzaniya vətəndaşları var.

Miqrantları daşıyan gəmilər tez-tez ya Mayotta, ya da Madaqaskara gedərkən Komorun ərazi sularından keçir.