Qaradağda "Niva" qəzaya uğrayıb, xəsarət alanlar var

Bakıda bir neçə nəfərin xəsarət alması ilə nəticələnən yol-nəqliyyat hadisəsi baş verib.

"Report"un məlumatına görə, hadisə Qaradağ rayonunda qeydə alınıb. Lökbatan qəsəbəsində 1989-cu il təvəllüdlü Əliyev Elvin Salamat oğlu yüksək sürətlə idarə etdiyi" Niva"markalı avtomobilə idarəetməni itirib. Nəticədə avtomobil aşıb. Qəza zamanı sürücü və avtomobildə olan sərnişin müxtəlif dərəcəli xəsarətlər alıblar. E.Əliyev təcili tibbi yardımın köməkliyi ilə xəstəxanaya çatdırılıb. Digər yaralıya hadisə yerində tibbi yardım göstərilib.

Hadisənin təfərrüatı araşdırılır.