İmişli və Tərtərdə qanunsuz ov edən şəxslər saxlanılıblar

Bakı. 28 yanvar. REPORT.AZ/ Qanunsuz ov edən şəxslər polis əməkdaşları tərəfindən saxlanılıblar.

DİN-in mətbuat xidmətindən "Report"a verilən məlumata görə, İmişli rayon Polis şöbəsinin əməkdaşları tərəfindən rayon ərazisində qanunsuz ov edən iki şəhər sakini saxlanılıb. Onlardan 1 ədəd müvafiq sənədləri olmayan “İJ-58” markalı ov tüfəngi götürülüb.

Tərtər rayon Polis şöbəsinin əməkdaşları tərəfindən isə Bəyimsarov kəndi ərazisində qanunsuz ov edən iki kənd sakini saxlanılıb. Onlardan 2 ədəd müvafiq sənədləri olmayan “TOZ-16” markalı ov tüfəngi və 3 ədəd patron götürülüb.