Bakıda bir qardaşı öldürüb, digərini yaralayan şəxs saxlanılıb

Bakıda bir qardaşı öldürüb, digərini yaralayan şəxs saxlanılıb Hazırda iş üzrə zəruri istintaq tədbirləri davam etdirilir.
Hadisə
230
23 Sentyabr , 2021 09:59
Bakıda bir qardaşı öldürüb, digərini yaralayan şəxs saxlanılıb

Prokurorluq Qaradağdakı qətllə bağlı məlumat yayıb.

Rayon prokurorluğundan "Report"a daxil olan məlumatda deyilir:

"Sentyabrın 22-i saat 23 radələrində Qaradağ rayonunun Lökbatan qəsəbəsi ərazisində qəsəbə sakinləri - 1998-ci il təvəllüdlü Kamil Cəfərovun öldürülməsi, qardaşı 2001-ci il təvəllüdlü Samir Cəfərova isə xəsarət yetirilməsi barədə rayon prokurorluğuna məlumat daxil olub.

Aparılan araşdırmalarla zərərçəkmişlərin tanışı, 1997-ci il təvəllüdlü Sərxan Dadaşovun şəxsi münasibətlər zəmnində aralarında yaranmış mübahisə zamanı bıçaqla Kamil Cəfərova çoxsaylı xəsarətlər yetirərək onu qəsdən öldürməsinə, sonuncunun qardaşı Samir Cəfərova isə bıçaqla xəsarət yetirməsinə əsaslı şübhələr müəyyən edilib.

Faktla bağlı Qaradağ Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Sərxan Dadaşov şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri davam etdirilir".

Son xəbərlər

Orphus sistemi