Bakı. 18 fevral. REPORT.AZ/ Bu gün Bakı Ağır Cinayətlər Məhkəməsində qardaşını öldürməkdə təqsirləndirilən M.N.-in (şərti) cinayət işi üzrə məhkəməsinin növbəti iclası keçirilib.
"Report"un məlumatına görə, hakim Ramella Allahverdiyevanın sədrliyi ilə keçirilən prosesdə dövlət ittihamçısı çıxış edib.
Prokuror çıxışında M.N.-in 10 il müddətinə azadlıqdan məhrum edilməsini istəyib.
Məhkəmənin növbəti prosesi fevralın 25-nə təyin edilib.
Qeyd edək ki, hadisə 2014-cü ildə Qusar rayonunda baş verib.
İttiham aktına əsasən, M.N. qardaşı N.N.-ni (şərti) qətlə yetirib.