Paytaxtda köşkün yanması nəticəsində bir nəfər xəsarət alıb

Bakı. 19 noyabr. REPORT.AZ/ Bakının Suraxanı rayonunda taxta konstruksiyadan ibarət köşk yanıb.

"Report" Fövqəladə Hallar Nazirliyinə istinadən xəbər verir ki, yanğın zamanı tüfeyli həyat tərzi sürən, şəxsiyyəti məlum olmayan (40-45 yaşlı kişi) bir nəfər yanıq xəsarəti alıb və təcili tibbi yardım stansiyasının əməkdaşları tərəfindən aidiyyatı üzrə aparılıb.

Yanğından yaxınlıqdakı tikililər mühafizə olunub.