Ötən il 1 672 ədəd saxta əsginas dövriyyədən çıxarılıb

2020-ci ildə daxili işlər orqanlar əməkdaşları tərəfindən qeyri-leqal əldə olunan 1 672 ədəd müxtəlif nominalda saxta əsginas müəyyən olunaraq dövriyyədən çıxarılıb.

Bu barədə "Report"a Daxili İşlər Nazirliyinin (DİN) Mətbuat xidmətindən məlumat verilib.

Bildirilib ki, müvafiq olaraq saxta əsginasların dövriyyəsində şübhəli bilinən şəxslər tutularaq istintaqa təhvil verilib.