Azərbaycanda karantin dövründə 477 boşanma qeydə alınıb - RƏSMİ

Bu ilin aprel ayında, yəni koronavirus infeksiyasının qarşısının alınması üçün tətbiq olunan xüsusi karantin rejimi dövründə Azərbaycanda qeydə alınan nikah və boşanma hallarının sayı məlum olub.

Bu barədə Ədliyyə Nazirliyindən "Report"un sorğusuna cavab olaraq bildirilib.

Qeyd olunub ki, cari ilin aprel ayında qeydiyyat orqanlarında 1 611 nikah və 477 nikahın pozulması dövlət qeydiyyatına alınıb.