Oğuzda güclü külək fəsadlara səbəb olub

Oğuz rayonunda külək yaşayış binasının və fərdi yaşayış evinin dam örtüyünü uçurub.

"Report"un Şimal-qərb bürosunun məlumatına görə, dünən axşam saatlarından etibarən, rayon ərazisində əsən güclü külək bir sıra fəsadlara səbəb olub.

Belə ki, güclü külək nəticəsində Oğuz şəhərində çoxmənzilli binanın dam örtüyü uçub. Bundan başqa, rayon sakininin fərdi yaşayış evinin və ona məxsus mağazanın da dam örtüyünə də külək nəticəsində ciddi ziyan dəyib.

Hazırda aidiyyəti qurumların əməkdaşları tərəfindən fəsadların aradan qaldırılması istiqamətində işlər aparılır.