Yuxarı

Oğurladığı qızılları satıb əyləncəyə xərclədi - MƏHKƏMƏ

​Oğurladığı qızılları satıb əyləncəyə xərclədi – MƏHKƏMƏ
Dinlə

354

Zaqatalada oğurluqda təqsirləndirilən Əhməd Məmmədovun cinayət işi üzrə ibtidai istintaq başa çatıb.

“Report”un xəbərinə görə, iş baxılması üçün Zaqatala Rayon Məhkəməsinə göndərilib.

Hakim Elbrus Məmmədovun icraatında olan cinayət işi üzrə hazırlıq iclası aprelin 22-ə təyin edilib.

Qeyd edək ki, bu ilin yanvar ayında Zaqatala Rayon Polis Şöbəsinə rayonun Yuxarı Tala kəndində yerləşən 3 evdən qızıl-zinət əşyalarının oğurlanması barədə müraciət daxil olub.

Polis əməkdaşları tərəfindən hadisə yerlərinə baxış keçirilib. Zərərçəkmişlərə məxsus evlərdən ümumi dəyəri 8 000 manata yaxın olan qızıl-zinət əşyalarının oğurlandığı müəyyən edilib.

Rayon polis şöbəsinin əməkdaşları tərəfindən keçirilən əməliyyat-axtarış tədbirləri nəticəsində cinayət əməlini törətməkdə şübhəli bilinən, əvvəllər də oğurluğa görə məhkum olunmuş 22 yaşlı Əhməd Məmmədov saxlanılıb.

Araşdırma zamanı Ə.Məmmədovun həmin qızıl-zinət əşyalarını oğurladıqdan sonra dəyərindən ucuz qiymətə Zaqatalada qızıl alqı-satqı yerlərinə satdığ məlum olub.

O, əldə etdiyi gəliri isə özünün əyləncəsi üçün xərclədiyini deyib.

Saxlanılan şəxsin yaşadığı evdən isə oğurladığı qızıl-zinət əşyalarının bir qismi maddi sübut kimi götürülüb.

Ə.Məmmədova Cinayət Məcəlləsinin 177.2.2-ci (təkrar oğurluq) maddəsi ilə itiham verilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi