"Nənəmin təndiri"nin yaxınlığında atışmada təqsirləndirilən kriminal aləmin üzvlərinin məhkəməsi başlayıb

"Nənəmin təndiri"nin yaxınlığında atışmada təqsirləndirilən kriminal aləmin üzvlərinin məhkəməsi başlayıb Məhkəmənin növbəti islası fevralın 15-nə təyin edilib
Hadisə
136
8 Fevral , 2018 17:02
Nənəmin təndirinin yaxınlığında atışmada təqsirləndirilən kriminal aləmin üzvlərinin məhkəməsi başlayıb

Bakı. 8 fevral. REPORT.AZ/ Bu gün Bakı Ağır Cinayətlər Məhkəməsində "Nənəmin təndiri" restoranının yaxınlığında atışmada təqsirləndirilən kriminal aləmin üzvləri - Xəyyam Səlimxanov, Murad Həsrətov, Tunar Nağızadə, Emin Əliyev və İlham Ramazanovun cinayət işi üzrə məhkəmə iclası başlayıb.

"Report"un xəbərinə görə, hakim Samir Əliyevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.

Hakim bildirib ki, təqsirləndirilən X.Səlimxanovla T.Nağızadənin şəxsiyyət vəsiqəsi cinayət işində yoxdur.

Məhkəmənin növbəti iclası fevralın 15-nə təyin edilib.

Qeyd edək ki, hadisə ötən il yanvarın 7-də Nərimanov rayonu, Fətəli xan Xoyski küçəsi, 134 ünvanında yerləşən "Nənəmin Təndiri" restoranın yaxınlığında baş verib.

Belə ki, əraziyə toplaşan iki kriminal qruplaşmanın 15-20-yə yaxın üzvünün mübahisəsi zamanı odlu silahlardan istifadə olunub.

İlkin məlumata görə, hadisə zamanı xəsarət alan olmayıb. Hüquq-mühafizə orqanlarının əməkdaşları hadisə yerində araşdırma aparan zaman "Makarov" tipli tapançaya məxsus gilizlər aşkar ediblər.

Daha sonra X.Səlimxanov, M.Həsrətov, T.Nağızadə, E.Əliyev və İ.Ramazanov saxlanılaraq barələrində məhkəmə qərarı ilə həbs qətimkan tədbiri seçilib.

Həmin şəxslər Cinayət Məcəlləsinin 221.1-ci (xuliqanlıq) 234-cü (narkotik) maddəsi ilə ittiham olunur.

Son xəbərlər

Orphus sistemi