Yuxarı
    Bağlamaq

    ​Neftçalada itkin düşən rayon sakini otlaqda huşsuz vəziyyətdə tapılıb

    Müayinə zamanı 78 yaşlı kişinin beyninə qan sızdığı məlum olub

    Neftçala. 2 iyun. REPORT.AZ/ Ötən gün Neftçala rayonunun Mirqurbanlı kəndində bədbəxt hadisə baş verib.

    “Report” xəbər verir ki, 78 yaşlı kənd sakini Şirməmməd Şirqasım oğlu Əhmədov səhər saatlarında heyvanatı otlağa aparıb. Axşam tərəfi qoyunlar geri dönsə də o, evə qayıtmayıb.

    Bundan narahat olan doğmaları səhərə kimi onu axtarıblar. Bu gün səhər saatlarında yaşlı kişi örüşdə uzanmış vəziyyətdə tapılıb. Şirməmməd Əhmədov Neftçala Rayon Mərkəzi Xəstəxanasına çatdırılıb. Müayinə zamanı yaşlı kişinin beyninə qan sızdığı məlum olub.

    Xəstəxanadan verilən məlumata görə, xəstənin vəziyyəti ağır olaraq qalır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi