Neftçalada dənizdə batan 3 gəncin meyiti tapılıb - VİDEO - YENİLƏNİB-2

Neftçala rayonunda dənizdə batan şəxslərin meytləri sudan çıxarılıb.

"Report"un Aran bürosu xəbər verir ki, rayonun Həsənabad qəsəbə sakinləri - 1993-cü il təvəllüdlü Alkişiyev Fariz Arif oğlu, 1990-cı il təvəllüdlü Babayev Fərid Namiq oğlu və 1992-ci il təvəllüdlü Nəcəfov Şəhriyar Telman oğlunun meyitləri sudan çıxarılaraq aidiyyəti üzrə təhvil verilib.

Faktla bağlı araşdırma aparılır. 

*** 16:58

Neftçala rayonunda, dənizdə, qeyri-çimərlik ərazidə batan 3 nəfərdən ikisinin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib. 

Bu barədə "Report"a FHN-nin Mətbuat xidmətindən bildirilib.

Məlumata görə, digər şəxsin axtarışları davam etdirilir.

Əlavə məlumat veriləcək.

*** 16:32

Neftçala rayonunda dənizdə boğulanların axtarışları davam edir.

“Report”un Aran bürosu xəbər verir ki, rayonun Yeniqışlaq kəndi ərazisində, Aşağı Mil-Muğan kollektorunun Xəzər dənizinə qovuşduğu yerdə dənizdə batan 3 nəfər gəncin ötən gündən başlayaraq axtarışları hələlik bir nəticə verməyib. 

Axtarışlara FHN-in 3, Dövlət Sərhəd Xidmətinin isə 2 qayığı və canlı qüvvəsi cəlb edilib. 

İlkin məlumatlara görə, həmin gün günorta saatlarında rayonun Həsənabad qəsəbəsinin sakinləri, 1993-cü il təvəllüdlü Alkişiyev Fariz Arif oğlu, 1990-cı il təvəllüdlü Babayev Fərid Namiq oğlu və 1992-ci il təvəllüdlü Nəcəfov Şəhriyar Telman oğlu çimmək üçün dənizə gediblər. 

Onlar əvvəlcə sahildən, təxminən, 100 metr aralıda yerləşən adada nahar ediblər. Bundan sonra dənizdə çimərkən suda batıblar. 

Neftçalada dənizdə batan 3 gəncin meyiti tapılıb - VİDEO - YENİLƏNİB-2