Yuxarı

Neftçalada avtomobil 76 yaşlı qadını vuraraq öldürüb

Faktla bağlı araşdırma aparılır

Bakı. 23 fevral. REPORT.AZ/ Neftçala rayonunda piyadanın ölümü ilə nəticələnən yol-nəqliyyat hadisəsi baş verib. "Report"xəbər verir ki, hadisə rayonunun Astanlı kəndi ərazisində qeydə alınıb.
Belə ki, Neftçala rayon sakini 38 yaşlı Əli Əkrəm oğlu Əliyev idarə etdiyi VAZ 21014 markalı avtomobillə hərəkətdə olarkən yolu keçən, rayonun Astanlı kənd sakini 76 yaşlı Şərqiyyə Mirzəmməd qızı Tağıyevanı vurub. Hadisə nəticəsində ağır bədən xəsarətləri alan yaralı Neftçala Rayon Mərkəzi Xəstəxanasına (RMX) çatdırılıb. Xəstəxanadan "Report"a bildirilib ki, avtoqəzada ağır bədən xəsarətləri alan Şərqiyyə Tağıyevanın həyatını xilas etmək mümkün olmayıb: "Yaralı bugün səhər saatlarında xəstəxanada dünyasını dəyişib".
Faktla bağlı Neftçala Rayon Polis Şöbəsində (RPŞ) araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi