Yuxarı
    Bağlamaq

    ​Narkotik vasitələri satmaqda təqsirləndirilən şəxsin məhkəməsi keçirilib

    Təqsirləndirilən şəxs 1 kiloqram 50 qram marixuana ilə tutulmuşdu

    Bakı. 14 sentyabr. REPORT.AZ/ Bu gün Bakı Ağır Cinayətlər Məhkəməsində qanunsuz olaraq narkotik vasitələri satmaqda təqsirləndirilən Elsevər Durmuş oğlu Osmanovun cinayət işi üzrə məhkəmə prosesi keçirilib.

    "Report"un məlumatına görə, Novruz Kərimovun sədrliyi ilə keçirilən iclasda təqsirləndirilən şəxs ifadə verib.

    Məhkəmənin növbəti iclası sentyabrın 21-nə təyin edilib.

    Xatırladaq ki, E.Osmanov Cinayət Məcəlləsinin 234.4.3-cü (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, külli miqdarda törədildikdə) maddəsi ilə ittiham olunur.

    Qeyd edək ki, bu ilin aprel ayında Bakı şəhəri Binəqədi rayonunda narkotiklərlə bağlı əməliyyat keçirilib. Binəqədi Rayon Polis İdarəsinin 4-cü Polis Bölməsinin əməkdaşları əməliyyat-axtarış tədbirləri nəticəsində Bakı şəhər sakini, 1981-ci il təvəllüdlü Elsevər Durmuş oğlu Osmanov həbs edilərək ondan 1 kiloqram 50 qram marixuana götürülüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi