Yuxarı
    Bağlamaq

    ​Narkotik satmaqda təqsirləndirilən şəxsin şikayəti əsasında məhkəmə başlayıb

    Məhkəmənin baxış iclası iyunun 14-nə təyin edilib

    Bakı. 2 iyun. REPORT.AZ/ Bakı Apellyasiya Məhkəməsində narkotik maddələrin qanunsuz dövriyyəsində təqsirləndirilən Pərviz Əliyevin barəsində olan hökmdən verilən apellyasiya şikayəti üzrə məhkəmənin ilkin hazırlıq iclası başlayıb.

    “Report”un xəbərinə görə, hakim Rizvan Səfərovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

    Məhkəmənin baxış iclası iyunun 14-nə təyin edilib.

    Qeyd edək ki, Saray qəsəbə sakini P.Əliyev ötən il Abşeron Rayon Polis İdarəsinin əməkdaşları tərəfindən saxlayıb. Polisin sərxoş sandığı şəxsin narkotik maddənin təsiri altında olduğu müəyyənləşdirilib. Onun üzərinə baxış keçirilərkən cibindən şəxsi istehlak miqdarından artıq qurudulmuş marixuana aşkarlanıb. P.Əliyev polis bölməsinə gətirilib. O, narkotik vasitəni tanımadığı adamdan aldığını bildirib.

    O, Cinayət Məcəlləsinin 234.4.3-cü (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, külli miqdarda törədildikdə) maddəsi ilə ittiham edilib.

    Bu il aprel ayının 27-də Bakı Ağır Cinayətlər Məhkəmənin hökmü ilə P.Əliyev 7 il 6 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi