​Nardaranda saxlanılan şəxs azadlığa buraxılıb

Bakı. 1 iyun. REPORT.AZ/ Nardaranda polisə tabe olmamaqda təqsirləndirilən Əli Hüseyn azadlığa buraxılıb.

"Report"un məlumatına görə, 30 sutka həbs alan Nardaran qəsəbə sakininin həbs müddəti başa çatıb.

Qeyd edək ki, Ə.Hüseyn ötən ay Nardarandakı Rəhimə xanım pirinin nəznində yerləşən "İmam Zaman" mədrəsəsinin sökülməsinə etiraz edən vaxt saxlanılıb. O, İnzibati Xətalar Məcəlləsinin 535-ci (polis işçisinin və ya hərbi qulluqçunun qanuni tələbinə qəsdən tabe olmama) maddəsi ilə təqsirli bilinib.