Nardaran sakini ov tüfəngini könüllü olaraq polisə təhvil verib

Bakı. 30 iyun. REPORT.AZ/ Sabunçu rayonunun Nardaran qəsəbə sakini müvafiq sənədləri olmayan ov tüfəngini könüllü olaraq polisə təhvil verib.

"Report"un xəbərinə görə, bu barədə Daxili İşlər Nazirliyi məlumat yayıb.

Məlumata əsasən, aparılan profilaktiki tədbirlər nəticəsində Nardaran qəsəbə sakini İbrahim Bəşirov müvafiq sənədləri olmayan “İJ-54” markalı ov tüfəngini könüllü olaraq 42-ci polis bölməsinə təhvil verib.