Yuxarı

Moskvada külli miqdarda pul keçirmək istəyən azərbaycanlı saxlanılıb

Onun barəsində Rusiya Cinayət Məcəlləsinin müvafiq maddəsi ilə cinayət işinin başlanılması gözlənilir

Bakı. 14 avqust. REPORT.AZ/ Moskvadakı "Şeremetyevo" hava limanı gömrüyünün əməkdaşları Gömrük İttifaqının sərhəddindən 1,701 mln. ABŞ dolları məbləğində pulu qanunsuz yolla keçirmək istəyən Azərbaycan vətəndaşını saxlayıb. Bu barədə "Report" "Rosbalt"a istinadən xəbər verir. 

Rusiya Federal Gömrük Xidmətindən verilən məlumata görə, gəliş zalının "qırmızı dəhlizi"ndə gömrük inspektoru Dubay reysi ilə gələn sərnişini saxlayıb. Sərnişin 1.001 mln. ABŞ dolları məbləğində nağd pul vəsaiti üçün gömrük bəyannaməsini inspektora təqdim edib. Bəyannaməyə daxil edilməyən məbləğ 700 min ABŞ dolları təşkil edib, bu da gömrük qanunvericiliyi ilə icazə verilən nağd pul məbləğindən 5 dəfə çoxdur. 

Saxlanılan şəxs barəsində nağd pul vəsaitinin qaçaqmalçılığı ilə bağlı Rusiya Cinayət Məcəlləsinin müvafiq maddəsi ilə cinayət işinin başlanılması gözlənilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi