Mingəçevir. 17 Sentyabr. REPORT.AZ/ Mingəçevirdə özünü avtobusdan atan sərnişin xəsarət alıb.
"Report"un Şirvan bürosu xəbər verir ki, hadisə şəhərin Heydər Əliyev prospektində baş verib.
Belə ki, Avtovağzal istiqamətində hərəkətdə olan 8 saylı sərnişin avtobusunun mühərrik hissəsində tüstülənmə baş verib. Bu zaman sərnişinlərdən biri - 1969-cu il təvəllüdlü şəhər sakini Qəhrəmanova Əzizə Ziyad qızı vahiməyə düşərək özünü avtobusun qapısından yerə atıb. Nəticədə o, ağır xəsarət alıb.
Yaralı xəstəxanaya çatdırılıb.
Digər sərnişinlər arasında xəsarət alan yoxdur.