BAKI. 17 yanvar. REPORT.AZ/ Mingəçevir şəhərində vətəndaşa məxsus “VAZ” markalı minik avtomobili ilə digər vətəndaşa məxsus “Mercedes” markalı minik avtomobilinin toqquşması nəticəsində yol nəqliyyat qəzası hadisəsi baş verib.
"Report" Fövqəladə Hallar Nazirliyinə istinadən xəbər verir ki, nəticədə “VAZ” markalı avtomobilin mühərriki və salonu yanıb. Digər avtomobil yanğından mühafizə olunub. Yanğın saat 19:10-da yanğınsöndürənlər tərəfindən söndürülüb.