Yuxarı

Mingəçevirdə iş adamını döyən şəxslər saxlanılıb

Mingəçevirdə iş adamını döyən şəxslər saxlanılıb

Mingəçevir. 5 dekabr. REPORT.AZ/ Mingəçevir şəhərində iş adamını döyən şəxslər saxlanılıb.

"Report"un Şirvan bürosunun məlumata görə, dekabrın 1-də Mingəçevir Mərkəzi Xəstəxanasından şəhər sakini Elşən Əliyevin müxtəlif bədən xəsarətləri ilə daxil olması barədə Mingəçevir Şəhər Polis Şöbəsinə (ŞPŞ) məlumat verilib. Polis əməkdaşları araşdırmalar apararkən E.Əliyev izahatında özünə məxsus çörək sexinin qarşısında dayanarkən bir qrup şəxsin hücumuna məruz qaldığını, nəticədə xuliqanlıq zəminində döyüldüyünü bildirib.

Məlumatın yoxlanması məqsədi ilə polis əməkdaşlarının keçirdikləri istintaq-əməliyyat tədbirləri nəticəsində fakt öz təsdiqini tapıb və hadisəni törədənlərin şəhər sakinləri - Emin və Elmir Cəfərov qardaşları, Eltac Mahmudov, Müğdət Səmədli, Zülfüqar Ramazanov və Tunar Əlizadə olduğu müəyyən edilərək saxlanılıblar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi