Mingəçevirdə baş vermiş yanğın söndürülüb - YENİLƏNİB 

Mingəçevirdə baş vermiş yanğın söndürülüb.

"Report"un Qərb bürosunun məlumatına görə, FHN-in Dövlət Yanğından Mühafizə Xidməti Mingəçevir şəhər Yanğından Mühafizə Dəstəsinin qüvvələri əraziyə cəlb olunub.

Yanğınsöndürənlərin çevik müdaxiləsi sayəsində yanğın genişlənərək ətraf ərazilərə yayılmasına imkan verilmədən qısa müddətdə söndürülüb. Yanğın nəticəsində 1500kv.m. sahədə qamışlıq ərazi yanıb.

Yaxınlıqdakı tikililər yanğından mühafizə olunub. Faktla bağlı araşdırma aparılır.

Mingəçevir şəhərində məcburi köçkünlərin yaşadığı ərazinin yaxınlığında güclü yanğın qeydə alınıb.

"Report"un Qərb bürosunun məlumatına görə, ferma və köşklərin olduğu ərazidə baş vermiş yanğın yerinə Fövqəladə Hallar Nazirliyinin Mingəçevir şəhər Yanğından Mühafizə Hissəsinin yanğınsöndürən maşınları və canlı qüvvəsi cəlb olunub.

Yanğın söndürülüb, köşklər yanğından mühafizə olunub.

Hadisənin səbəbləri araşdırılır.