Mingəçevirdə 3 yaşlı körpə göldə boğulub - YENİLƏNİB

Mingəçevir. 28 mart. REPORT.AZ/ Mingəçevir şəhərində gölə düşərək boğulan azyaşlı körpənin adı məlum olub. 

"Report"un Şirvan bürosu xəbər verir ki, şəhər sakini, 2015-ci il təvəllüdlü Şahin Hicran oğlu İskəndərli ehtiyatsızlıqdan gölə düşərək boğulub. Ətrafdakıların köməyi ilə sudan çıxarılan körpənin həyatını xilas etmək mümkün olmayıb. O, xəstəxanaya aparılarkən yolda ölüb. 

***13:38

Mingəçevir. 28 mart. REPORT.AZ/ Mingəçevir şəhərində azyaşlı körpə göldə boğularaq ölüb.

"Report"un Şirvan bürosu xəbər verir ki, hadisə Kür çayı sahilində yerləşən axmazlardan birində baş verib.

Belə ki, hələlik adı məlum olmayan körpə ehtiyyatsızlıqdan gölə düşüb. Ətrafdakılar körpəni ordan çıxarıblar və azyaşlı xəstəxanaya aparılarkən yolda ölüb.

Faktla bağlı araşdırmalara başlanılıb.