Masallı. 26 mart. REPORT.AZ/ Bu gün səhər saatlarında Masallıda piyadanın vurulması ilə nəticələnən yol-nəqliyyat hadisəsi baş verib.
"Report"un Cənub bürosu xəbər verir ki, əslən Şuşa rayonundan olan, Masallı şəhərində məskunlaşan 1977-ci il təvəllüdlü Cavadova Vəsilə Heydər qızı Masallı rayonu İsgəndərli-Ərkivan istiqamətində yolda təmizlik işləri görərkən avtomobil tərəfindən vurulub.
Hadisə nəticəsində C.Vəsilə hadisə yerində keçinib.
Faktla bağlı Masallı rayon Polis şöbəsində araşdırma aparılır.