Yuxarı
    Bağlamaq

    Lökbatanda tanışını bıçaqlayana hökm oxunub

    O, 7 il müddətinə azadlıqdan məhrum edilib

    Bakı. 24 aprel. REPORT.AZ/ Bakı Ağır Cinayətlər Məhkəməsində tanışını bıçaqlayan 1993-cü il təvəllüdlü Vasif Məmmədovun cinayət işi üzrə məhkəmə prosesi başa çatıb.

    "Report"un məlumatına görə, hakim Rauf Əliyevin sədrliyi ilə keçirilən prosesdə hökm oxunub.

    Məhkəmənin hökmü ilə V.Məmmədov 7 il müddətinə azadlıqdan məhrum edilib.

    Qeyd edək ki, cinayət hadisəsi ötən il Lökbatanda baş verib. V.Məmmədov kafedə birlikdə yeyib-içdiyi Turan Cəbiyevlə mübahisə edib. Mübahisə qanlı bitib. O, T.Cəbiyevə bir neçə bıçaq zərbəsi endirib.

    Xəstəxanaya çatdırılan T.Cəbiyevin həyatını xilas etmək mümkün olub.

    O, Cinayət Məcəlləsinin 126.2.4-cü (qəsdən sağlamlığa ağır zərər vurma, ümumi təhlükəli üsulla, xuliqanlıq niyyətilə) maddəsi ilə ittiham olunub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi