Lənkəran. 11 oktyabr. REPORT.AZ/ Lənkəranda yol çəkən şirkətə məxsus "Toyota" markalı avtomobil qəza törədib.
"Report"un Cənub bürosunun məlumatına görə, hadisə rayonun Şürük kəndi ərazisində baş verib.
Qəza nəticəsində 1990-cı il təvəllüdlü Feyruz Məlikov və 1982-ci il təvəllüdlü Məmmədov Elmin Təyyar oğlu müxtəlif dərəcəli bədən xəsarətləri alaraq Lənkəran Rayon Mərkəzi Xəstəxanasına yerləşdiriliblər. Həkimlər xəsarət alanların vəziyyətini orta-ağır kimi qiymətləndirirlər.
Onlardan birinin Türkiyə vətəndaşı olduğu bildirilib.