Lənkəranda avtomobillər toqquşub, xəsarət alanlar var

Lənkəranda avtomobillər toqquşması nəticəsində iki nəfər xəsarət alıb.

“Report”un Cənub bürosunun məlumatına görə, hadisə rayonun Göyşaban kəndi ərazisində baş verib.

Belə ki, "VAZ-2104" və "QAZ-2124" markalı avtomobillər toqquşub.

Nəticədə "QAZ-2124"ün sürücüsü 1945-ci il təvəllüdlü Tələt Rəhimov və "VAZ-2104" markalı avtomobilin sərnişini 1959-cu il təvəllüdlü Seyran Nəzərov xəsarət alıblar.

Yaralılar Lənkəran Rayon Mərkəzi Xəstəxanasına çatdırılıblar, vəziyyətləri orta ağır qiymətləndirilir.

Faktla bağlı araşdırma aparılır.