Xankəndi sakini: Oradan çıxanda dörd yaşım olsa da, böyüklərimiz bizə torpaq sevgisini aşılayıblar

Xankəndidən çıxanda dörd yaşım var idi. Baxmayaraq ki, balaca idim, lakin böyüklərimiz bizə o torpaq, doğma yurd sevgisini aşılayıblar.

"Report" xəbər verir ki, bunu Xankəndi şəhərinə köç edən keçmiş məcburi köçkün Taleh Həsənov jurnalistlərə açıqlamasında deyib.

O, sevincinin həddi-hüdudu olmadığını bildirib:

"Allah bu günləri bizə yaşadan Ali Baş Komandanımıza, qazilərimizə cansağlığı versin, şəhidlərimizə rəhmət eləsin. Onların sayəsində öz yurdumuza qayıdırıq".

Qeyd edək ki, bu gün Xankəndi şəhərinə 22 ailə - 102 nəfər köçürülür.