Lənkəranda avtomobil piyadanı vuraraq öldürüb

Lənkəran rayonunda avtomobil 32 yaşlı piyadanı vuraraq öldürüb.

“Report”un cənub bürosunun məlumatına görə, hadisə rayonun Girdəni kəndi ərazisində qeydə alınıb.

Belə ki, 99-RO-264 dövlət qeydiyyat nişanlı "OPEL" markalı minik avtomobili kənd sakini, 1991-ci il təvəllüdlü Xeyrəddin Sübhan oğlu Rəcəbovu vurub.

Hadisə yerinə Təcili Tibbi Yardım briqadası çağırılsa da, piyada vəfat edib. X.Rəcəbovun meyiti aidiyyəti üzrə təhvil verilib.

Faktla bağlı araşdırma aparılır.