Lənkəranda 3 mağazada yetkinlik yaşına çatmayanlara tütün məmulatları satılması aşkarlanıb

Lənkəranda 3 mağazada yetkinlik yaşına çatmayanlara tütün məmulatları satılması aşkarlanıb Satıcılar barəsində inzibati tənbeh tədbiri tətbiq olunub
Hadisə
344
10 May , 2021 11:22
Lənkəranda 3 mağazada yetkinlik yaşına çatmayanlara tütün məmulatları satılması aşkarlanıb

Polis orqanları tərəfindən yetkinlik yaşına çatmayanlara alkoqollu içkilərin və tütün məmulatlarının satışının qarşısının alınması istiqamətində mütəmadi olaraq tədbirlər keçirilir.

DİN Mətbuat Xidmətinin Lənkəran regional qrupundan "Report"a verilən məlumata görə, Lənkəran Şəhər Rayon Polis Şöbəsinin əməkdaşlarının rayon ərazisində keçirdikləri tədbir nəticəsində üç mağazada satıcının yetkinlik yaşına çatmayana tütün məmulatları satması aşkar edilib.

Həmin satıcılar barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirti, alkoqollu içkilərin və ya tütün məmulatlarının yetkinlik yaşına çatmayanlara satılmasına görə) inzibati tənbeh tədbiri tətbiq olunub.

Bu istiqamətdə tədbirlər davam etdirilir.

Son xəbərlər

Orphus sistemi