Yuxarı

Lənkəranda 25 yaşlı gənc qisas zəminində bıçaqlanıb

​Lənkəranda 25 yaşlı gənc qisas zəminində bıçaqlanıb

Lənkəran rayonunda bıçaqlanma hadisəsi baş verib.

“Report”un Cənub Mərkəzinin məlumatına görə, hadisə rayonun Yuxarı Nüvədi kəndində qeydə alınıb. Kənd sakini 1994-cü il təvəllüdlü Aqil Baloğlan oğlu Səfərov Lənkəran Rayon Mərkəzi Xəstəxanasına gətirilib. Ona kürəkarası nahiyənin kəsilmiş-deşilmiş yarası diaqnozu qoyulub və əməliyyat blokuna alınıb. Hazırda əməliyyat davam edir.

“Report”un əldə etdiyi məlumata görə, bıçaqlanma qisas zəminində törədilib. Belə ki, bir müddət öncə S.Aqil baş verən davanın iştirakçısı olub və bir nəfərə xəsarət yetirib. Xəsarət alan şəxs isə qisas almaq üçün yenidən Aqillə görüşüb.

Görüş zamanı tərəflər arasında düşən mübahisə Aqilin bıçaqlanması ilə nəticələnib. Hazırda faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi