Lənkəran sakininə çaqqallar hücum edib - FOTO

Lənkəran. 20 noyabr. REPORT.AZ/ Lənkəran rayon sakininə çaqqallar hücüm edərək ona xəsarət yetirib.

"Report"un Cənub bürosunun verdiyi xəbərə görə, hadisə rayonun Xanbulan kəndində baş verib.

Belə ki, səhər saatlarında işə getmək üçün həyətdən çıxan Cavad Şəmsəddin oğlu Muradov çaqqallarla üz-üzə gəlib. Bu zaman yırtıcı heyvanlar ona hücum edib. O yırtıcı heyvanlara müqavimət göstərən zaman müxtəlif dərəcəli bədən xəsarətləri alıb.

Səsə C.Muradovun atası gəlib və çaqqallardan birini öldürüb. Xəsarət alan C.Muradov xəstəxanaya çatdırılıb. Ona quduzluq əleyhinə peyvənd vurulub.