Lənkəran sakini bıçaqlandı

Lənkəranda 48 yaşlı kişi bıçaqlanıb.

"Report"un Cənub Mərkəzinin verdiyi xəbərə görə, Sütəmurdov kəndində 1972-ci il təvəllüdlü Əliyev İman Hüseyn oğlu bıçaqlanıb. 

O, naməlum şəraitdə qarın boşluğuna bir bıçaq zərbəsi alıb. 

Təcili tibbi yardım maşını ilə Lənkəran Rayon Mərkəzi Xəstəxanasına çatdırılan yaralı hazırda əməliyyatdadır.

Faktla bağlı araşdırma aparılır.