Lənkəran sakini Bakıda kütləvi dava zamanı qətlə yetirilib

Lənkəran. 18 mart. REPORT.AZ/ Bakıda 5 nəfərin iştirakı ilə kütləvi dava olub.

"Report"un Cənub bürosu xəbər verir ki, dava zamanı 1 nəfər bıçaqlanaraq qətlə yetirilib.

Məlumata görə, həmin şəxs Lənkəran rayon Velədi kənd sakini Taleh Şıxəli oğlu Baxşıyevdir. O, dava zamanı ürək nahiyəsindən bıçaqlanaraq, hadisə yerində ölüb. Davanın hansı səbəbdən baş verməsi və hadisənin kim tərəfindən törədildiyi hələlik məlum deyil.

Faktla bağlı araşdırma aparılır.