Sabirabad. 28 iyun. REPORT.AZ/ Kür çayının Sabirabad rayonu, Azadkənd kənd hissəsindən keçən nəzarətsiz ərazidə meyiti tapılan şəxsin kimliyi məlum olub.
"Report"un Mərkəzi Aran bürosunun məlumatına görə, bu, Sabirabad rayonunun Dadaşbəyli kənd sakini, 1996-cı il təvəllüdlü Xancan Malik oğlu Osmanovdur.
Onun meyiti Səhiyyə Nazirliyi Məhkəmə-Tibbi Ekspertiza və Patoloji Anatomiya Birliyinin Şirvan şəhər şöbəsinə təhvil verilib.
Faktla bağlı araşdırma aparılır.
*** 15:43
Kür çayının Sabirabad rayonu, Azadkənd kənd hissəsindən keçən, nəzarətsiz ərazidə naməlum kişi meyiti aşkarlanıb.
FHN-dən “Report”a bildirilib ki, Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri hadisə yerinə cəlb olunub.
Meyit sudan çıxarılaraq aidiyyəti üzrə təhvil verilib.