Yuxarı

Kürdəmirdə yol qəzası olub, yaralılar var - YENİLƏNİB

Kürdəmirdə yol qəzası olub, yaralılar var - YENİLƏNİB

Kürdəmir. 1 sentyabr. REPORT.AZ/ Bakı-Qazax avtomobil yolunun Kürdəmir rayonunun Atakişili kəndi ərazisindən keçən hissəsində baş verən yol qəzasında xəsarət alan şəxslərin kimlikləri məlum olub.

"Report"un Mərkəzi Aran bürosunun məlumatına görə, bunlar "VAZ-21015" markalı avtomobilin sürücüsü, rayon sakini, 1960-cı il təvəllüdlü Həşimov Vidadi Seyidağa oğlu və onun sərnişini, rayon sakini, 1968-ci il təvəllüdlü Qasımov Gündüz Qasım oğludur. V.Həşimovun vəziyyəti ağır olduğundan o, Bakıdakı xəstəxanalardan birinə göndərilib.

Faktla bağlı araşdırma aparılır.


***21:48

Kürdəmir rayonunda yol qəzası baş verib.

"Report"un Mərkəzi Aran bürosunun məlumatına görə, hadisə Bakı-Qazax avtomobil yolunun rayonun Atakişili kəndi ərazisindən keçən hissəsində qeydə alınıb. Belə ki, "Hyundai" və "VAZ-21015" markalı minik avtomobilləri toqquşub. Nəticədə avtomobillərdən birinin sürücüsü və sərnişini müxtəlif dərəcəli bədən xəsarətləri alıb.

Yaralılar Kürdəmir rayon Mərkəzi Xəstəxanasına yerləşdirilib. Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi