Kürdəmir rayonunda ağır yol-nəqliyyat hadisəsi baş verib.
"Report"un Yuxarı Şirvan bürosu xəbər verir ki, hadisə Bakı-Qazax magistralının rayonun Çöhranlı kəndindən keçən hissəsində qeydə alınıb.
"KamaAZ" markalı yük maşını ilə "VAZ-21011" markalı avtomaşın toqquşub. Hadisə zamanı VAZ-ın sürücüsü, Kürdəmir rayon Məhərrəmli kənd sakini, 1994-cü il təvəllüdlü Tağıyev Rusif Kərim oğlu müxtəlif dərəcəli bədən xəsarətləri alıb.
Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub. Yaralı "təcili yardım" avtomobili ilə Kürdəmir Rayon Mərkəzi Xəstəxanasına yerləşdirilib.
Faktla bağlı araşdırmalara başlanılıb.
![](https://static.report.az/photo/17211bb0-d7f4-49aa-adcf-61b5d11df48d_300.jpg)
![](https://static.report.az/photo/5a7d009c-b63b-45d0-adb4-3c666c64b53d_300.jpg)
![](https://static.report.az/photo/e8f22a31-1599-4b90-a0d5-2613e55e944d_300.jpg)