Kürdəmirdə yol qəzası baş verib, xəsarət alanlar var

Kürdəmirdə yol qəzası baş verib, xəsarət alanlar var Kürdəmirdə xəsarətlə nəticələnən avto-nəqliyyat hadisəsi baş verib.
Hadisə
377
15 Avqust , 2021 15:52
Kürdəmirdə yol qəzası baş verib, xəsarət alanlar var

Kürdəmirdə xəsarətlə nəticələnən yol-nəqliyyat hadisəsi baş verib.

Report”un Yuxarı Şirvan bürosu xəbər verir ki, hadisə Bakı-Qazax yolunun rayonun Sığırlı kəndindən keçən hissəsində qeydə alınıb.

Belə ki, sürücü 52 yaşlı Salyan rayon sakini Hüseynov Pənah Allahpayı oğlu “Mercedes” markalı avtomobillə Kürdəmir istiqamətində hərəkətdə olarkən qəfildən idarəetməni itirib və nəqliyyat vasitəsi yol kənarındakı beton lövhəyə çırpılıb.

Hadisə zamanı avtomobildə olan sərnişinlər - Salyan rayon sakinləri, 19 yaşlı Hüseynova Vəfa Pənah qızı və 14 yaşlı Hüseynova Xəyalə Yalçın qızı müxtəlif dərəcəli xəsarətlər alıblar. Yaralılar təcili tibbi yardım maşınının köməyi ilə Kürdəmir Rayon Mərkəzi Xəstəxanasına çatdırılıblar.

Faktla bağlı araşdırma aparılır.

Son xəbərlər

Orphus sistemi