Kürdəmirdə kişi həyat yoldaşını bıçaqlayıb

Kürdəmirdə bıçaqlanma hadisəsi baş verib.

"Report"un Yuxarı Şirvan bürosu xəbər verir ki, hadisə Xırdapay kəndində qeydə alınıb.

Belə ki, aralarında yaranmış ailə münaqişəsi zəminində 27 yaşlı Göyüşova Şəhanə Rasim qızı həyat yoldaşı Göyüşov Seymur Əkrəm oğlu tərəfindən bədənin kürək nahiyəsindən bıçaq xəsarəti alıb.

Yaralı yaxınlarının köməyi ilə dərhal Kürdəmir rayon Mərkəzi Xəstəxanasına aparılıb və həkim nəzarətinə götürülüb.

Faktla bağlı araşdırma aparılır.